Hìu bơsram Đại họk Đông Á tàm Dăk Lăk geh bă ù ơnàng 10 lồ, geh 115 cơldŭ bơsram tàm sră pơ àr, 27 cơldŭ pơlam lơh jat ngan ngồn, hìu sền sră, tiah tàp pràn să jan uă bơta mờ ală cơldŭ ờs mờng. Broă bơto bơtê nam sơn rờp tàm tơngai bơh nam 2022 tus nam 2030 bơh hìu bơsram dê geh 6 gah bơto bơtê là: Quản trị kiñ zoañ, Quản trị hìu nac, Quản trị bơyai lơh nhơl chờ, Kông nghệ phan sa, Điều zưỡng, Kông nghệ thông tin.

Đơs tàm dơ̆ bơyai lơh, ồng Nguyễn Văn Phúc, Thứ trưởng Ƀộ Giáo zụk mờ Đào tạo đơs là, do là dùl bơta tam gơl pa bơh Hìu bơsram Đại họk Đông Á dê tàm broă lơh ngan bơtàu tơnguh broă lơh bơto bơsram mờ ai tơlik lài gùng dà bơto bơtê, pơlam cau lơh broă geh bơta niam, ngan ngồn drơng broă lơh bơt bơtàu, bơtàu tơnguh lơh sa- mpồl bơtiàn bơh tiah tàm gùl lơgar mờ Tây Nguyên dê đơs is mờ gùt lơgar đơs bal.