VOV4.K’ho- Ngai 09/9, tàm ƀòn dờng Đà Nẵng, Kông đoàn Viên cứk Việt Nam, Tổng Liên đoàn Lao động Việt Nam pơgồp bal mờ Ƀộ Nội vụ bơyai lơh cribơyai “Lơh jat niam gơnoar broă bơh Kông đoàn dê tàm broă lam lơh broă lơh tơrgùm jơh ală bơta lơh niam wơl hàñ cíñ dà lơgar tơngai bơh nam 2021 tus nam 2030”.

Dơ̆ bơto pơlam mờ cribơyai gàr sùm gơnoar broă bơh Kông đoàn dê tàm broă lơh niam wơl hàñ cíñ dà lơgar

Tàm dơ̆ cribơyai, ală kwang bàng tơrgùm cribơyai bè gơnoar broă, kơnòl bơh mpồl Kông đoàn dê tàm broă lam lơh broă lơh tơrgùm jơh ală bơta lơh niam wơl hàñ cíñ dà lơgar; Kông đoàn tus bal mờ jat sền broă lam lơh lơh niam wơl hàñ cíñ; gơnoar broă bơh mpồl Kông đoàn dê tàm mblàng yal, tơnguh jơnau git wă lam lơh broă lơh tơrgùm jơh ală bơta lơh niam wơl hàñ cíñ; broă lơh tơnguh cồng nha pơgồp bal đah mpồl Kông đoàn mờ ală mpồl lơh broă mờng chài nàng rơ wah tơngume, broă lơh mblàng yal bè lơh niam wơl hàñ cíñ jat gùng dà ngan ngồn, geh cồng nha, di cau.

Cau mblàng K’Duẩn