Tàm tơngai còp lơgar Argentina, ồng Nguyễn Trọng Nghĩa neh geh ală dơ̆ pơrjum bơyai, cribơyai mờ tìp mat mờ Atbồ ing Tổng Ƀí thư Đảng Kộng sản Argentina ồng Jorge Kreyness; Kwang atbồ Mpồl Lơh broă mờ lơgar ndai Đảng jơnau song adat boh lam, lài do là Ƀộ trưởng Ƀộ ling klàng mờ Cribơyai broă mờ lơgar ndai ồng Jorge Taiana. Mpồl kung neh tus bal Pơrjum ală lơgar mờ tơngume “Củ tịc Hồ Chí Minh mờ bơta git gơp đah Việt Nam mờ Mỹ Latiñ”, ơn bơkàu tàm rùp mòn Củ tịc Hồ Chí Minh, còp mờ lơh broă mờ Anih lơh broă ala mat lơgar Việt Nam tàm Argentina.

Bè bơta git gơp đah Việt Nam mờ Argentina, bàr gah neh cribơyai mờ ring bal pơn jat tai gàr sùm tàm pơ gơl mpồl, sơlơ tơnguh tai tìp mat đah ală kâp, ală mpồl làng bol; tơnguh cồng nha ală gùng dà lơh broă bal gam geh tŭ do, sơlơ tơnguh tai ală gùng dà lơh broă bal ndai, sơlơ tàm pà jơnau tơnggit, mờng chài tàm broă lơh bơt bơtàu Đảng mờ bơtàu tơnguh dà lơgar; pơgồp bal mờ tàm dong kờl bal mờ gơp tàm ală dơ̆ cribơyai tiah do mờ dunia.