Bơh nam 2013 tus tŭ do, gùt lơgar neh ai, rơndăp tăp sèng kơl jăp lơh ƀòn ơm kis ai rơlao 112 rơbô hìu in. Jơh ală ƀòn ơm kis pa geh broă lơh phan bơna, lơh sa mpồl bơtiàn niam rơlao mờ tàm ƀòn lài do.

Bal mờ ală broă lơh rài kis lơh sa mpồl bơtiàn geh lơh ndrờm bal, rài kis phan bơna mờ nùs nhơm bơh làng bol neh ngai sơlơ gơguh, kơl jăp mờ rơhời tơl ngui tơl sa. Mơya, tŭ do kung gam rơlao 16 rơbô hìu làng bol kis ntrờn ờ hềt ai ơm kis kơl jăp, gam ơm rah rài tàm uă tiah, tàm hơ̆ uă ngan tàm ală càr Tây Nguyên. Nàng lơh geh cồng nha broă ai lơh ƀòn ơm kis di jăt mờ Kơrnoăt sồ 590 bơh Thủ tướng Cíñ phủ, gàr di jăt mờ jơnau kờñ tus nam 2025 geh lơh kơl jăp lơh ƀòn ơm kis ai mờr 64 rơbô 300 hìu in, tàm hơ̆ geh 10 rơbô 500 hìu kis ntrờn khăt gơboh, pơrjum neh tơrgùm tàm broă cri bơyai, ai geh ală gùng dà broă lơh. Tàm hơ̆, sền gròi uă ngan là broă lơh jăt ală broă dong kờl bơh broă lơh ai ù lơh hìu ơm, hìu ơm, ù lơh sa, bơcri priă bơ̆t bơtàu phan bơna geh kwơ; dong kờl tơnguh bơtàu lơh sa, bơto bơtê lơh broă bal mờ broă lơh.