VOV4.K’ho- Ngai 26/09, đơs tàm pơrjum pờ tơlik tơn tàm internet gùt lơgar bè lơh pràn ai priă bơcri dà lơgar dê mờ lơh jăt 03 Broă lơh jơnau kờñ dà lơgar dê, Thủ tướng Cíñ phủ ồng Phạm Minh Chính sồr, pal jơh nùs lơh ngan, pơđơl pràn mờ lam lơh ală broă lơh pràn kơldang rlau tai lơh ngan lơh gơs tàm khà uă ngan rlau jơh kơnòl broă bè ai priă bơcri dà lơgar dê nam 2022.

Bè kơnòl broă tàm tơngai tus, Thủ tướng sồr ală ƀộ, ngàñ, ală tiah pơn jăt tai jàu priă nền cê 75 rbô tơmàn đong gam wơl ai ală rơndăp broă lơh tơl bơta in. Ală mpồl lơh broă pơn jăt tai lam lơh jăt kơnòl broă, lòt sền, sồr ngan, mơkung pơndờm pơnđiang ală tiah, ală anih tă bơsong ală kal ke, kòl yan. Ală ƀộ, ngàñ, anih lơh broă, ală tiah pơgồp bal niam rlau tai, pleh lơh sră pơ àr pơdik pơdar. Thủ tướng sồr, ală tiah pal jơh nùs sền gròi iăt kơno gĭt broă gơlik geh, tơrgùm kờp, yal bè ală kal ke, kòl yal tàm bơta geh ngan mờ yal tơngĭt ală broă lơh, nàng jăt tàm bơta hơ̆ ală ƀộ, ngàñ mhar bơsong tơn.

Cau cih VOV.VN- Cau mblàng Lơ Mu K’Yến