VOV4.K’ho- Drim ngai 07/4, càr Quảng Trị bơyai lơh chu ñàng tơngkah 115 nam Ngai deh Tổng Ƀí thư ồng Lê Duẩn (07/4/1907 – 07/4/2022) mờ sơn đờm lơh niam wơl anih kah kơlôi Tổng Ƀí thư Lê Duẩn. Nàng kờñ tơnguh bơta kuơ niam chài, bơngă, ală tă pơgồp dờng màng bơh Tổng Ƀí thư Lê Duẩn dê gơ wèt tus mờ Đảng, kac màng, Cíñ phủ, ală Ƀộ, gah broă lơh dà lơgar neh sền gròi tă priă lơh anih kah kơlôi Tổng Ƀí thư Lê Duẩn tàm ƀòn tờm ồng dê tàm ƀòn Hậu Kiên, xã Triệu Thành, kơnhoàl Triệu Phong, càr Quảng Trị.

Tiah do gơ gơs là tiah tềl kah yau kah kơlôi cau niam chài tiơng pơn rơ bơh càr Quảng Trị dê, là anih kuơmàng bơto bơtê bơhiàn kờñ gơboh dà lơgar, kac màng ală rơnàng mờ là anih tus jòi git bơh gơp bơyô dunia dê. Càr Quảng Trị neh ring bal rơndap broă lơh niam wơl tiah tềl kah yau anih kơlôi Tổng Ƀí thư Lê Duẩn mờ priă tă lơh là 45 tơmàn đông. Broă lơh tơnơ̆ tŭ lơh gơs geh sền gàr, ki ngàm bơta geh ngan bè ờs, ờ lơh tam gơl bơta geh ngan kung bè bơta kuơ mùl geh gơ dê.

Cau mblàng K’Duẩn