VOV4.K’ho- Drim ngai 10/06, tàm ƀòn dờng Buôn Ma Thuột, càr Dăk Lăk neh bơyai lơh dơ̆ kĭ jơnau ring bal lơh broă bal lơh pơrjum tam gơl pa bơceh pa tiah Tây Nguyên. Do là 1 tàm ală jơnau bơceh lơh bơh Cíñ phủ Australia dê tàm broă lơh lơgar lơh broă bal đah Ƀộ Ngoại giao mờ kă bro Australia, Mpồl kơlôi sơnơng Khoa họk mờ Kông nghiệp mpồl pas gơs bal (CSIRO) mờ Ƀộ Khoa họk- Kông nghệ Việt Nam. 5 càr: Dăk Lăk, Dăk Nông, Gia Lai, Kon Tum mờ Lâm Đồng bal mờ CSIRO neh kĭ jơnau ring bal lơh broă bal Pơrjum tam gơl pa bơceh pa tiah Tây Nguyên.

5 càr Dăk Lăk, Dăk Nông, Gia Lai, Kon Tum mờ Lâm Đồng bal mờ CSIRO neh kĭ jơnau ring bal lơh broă bal pơrjum tam gơl pa bơceh pa tiah Tây Nguyên

Jơnau kờñ bơh pơrjum dê là sơlơ tơnguh tam gơl pa bơceh pa nàng dong kờl bơta bơtàu tơnguh kơ̆ kơljap, ring bal bơh gah lơh sa suơn sre mờ lơh gơlik phan lơh geh bơh suơn sre tàm tiah do dê. Tàm 3 nam, ală gah geh pờ ơnàng mờ sơlơ tam klăc bal lơh broă bal nàng kờñ lơh geh ală bơta gĭt mờ jơnau yal mờ ală cồng nha tam gơl pa bơceh pa bơta pràn jak tàm dơlam mờ bơdìh broă lơh pơrjum dê; sơlơ ai tơlik ală jơnau kơlôi sơnơng pa, bal mờ bơcri priă mờ bơt bơtàu ală rơndap broă lơh kơlôi sơnơng nàng kờñ sơlơ tơnguh bơta pràn, bơta kwơ tàm pơrlòng ală phan bơna tăc mờ lơgar ndai lơh geh bơh gah lơh sa suơn sre mờ lơh gơlik phan lơh geh bơh lơh sa suơn sre tàm tiah do dê...

Cau mblàng K’Hạnh