VOV4.K’ho- Drim ngai 05/10, tàm Hà Nội, Ală mpồl Thương mại mờ Kông nghiệp Việt Nam (VCCI) bơyai lơh pơrjum mờ tơngume: Lơh niam  wơl bơngă gah lơh sa mờ măi mok dong kờl Việt Nam. Tŭ do gah lơh sa mờ măi mok dong kờl tàm lơgar kung neh geh uă bơta tam gơl niam tàm ală nam pa do jơh bal bè khà mờ bơta niam, geh pơgap 4,5% kờp jơh ală mpồl lơh sa kă bro bơh gah lơh sa mờ măi mok lơh gơlik phan, lơh mòn phan.

Lơh sa mờ măy mok dong kờl, pơgồp bơnah sơlơ tơnguh bơta lơh bal tàm ală anih lơh broă bơh gah lơh sa mờ măi mok tờm bơh rài lơh sa dê, bè tàñ mai, kơltau khŏ, điện tử, lơh sa suơn sre, phan tàm dà... mờ ală drà kă bro dờng mờ kal ke bè: Hàn Quốc, Nhờk, Mỹ, câu Âu, Lo... Ală jơnau đơs tàm dơ̆ pơrjum đơs là, Cíñ phủ pal geh broă lơh dong kờl mpồl lơh sa kă bro lơh sa mờ măi mok dong kờl. Bal mờ hơ̆ là lơh pràn broă lơh lơh broă bal gơwèt mờ ală lơgar tàm dunia tơnguh uă bơta pràn jak bơh mpồl lơh sa kă bro dê tàm broă bơto bơtê, bơto pơlam tàm jàu kông nghệ...

 VOV Tây Nguyên- Cau mblàng K’Hạnh