Jăt jơnau yal, bŭ lah gơtìp gơrềng uă ngan bơh kòp Kovid-19 gơtờp, mơya ală mpồl lơh sa kă bro neh rơcang tam gơl ndrờm bal gùng dà lơh sa kă bro, ngui khoa họk kông nghệ nàng tơnguh uă cồng nha, bơta niam phan geh lơh, ai geh bơta pràn tàm pơrlòng ai mpồl lơh sa kă bro in.

Ală mpồl lơh sa kă bro, ală tiah bơyai lơh geh cồng nha uă broă lơh, drà ràng tơlik bè poh phan kă bro Việt Nam yal, hòi jà kă bro, tiah tăc phan OCOP, tiah tăc phan Việt Nam mờ măt sơnơm “Pơnyờ să phan Việt Nam, Bơta niam phan Việt Nam”... Nam 2023, Mpồl đơng lam Dà lơgar Dơ̆ lam sồr ai geh jơnau kờñ tơnguh uă kơnòl bơh ală anih lơh broă tàm mpồl cíñ trị tàm broă lơh jăt Dơ̆ lam sồr, tơnguh broă pơgồp bal tàm broă yal mblàng, sền wơl ală broă dong kờl mpồl lơh sa kă bro, hìu lơh sa kă bro, bơyai lơh ală broă pơn jờng mpồl lơh sa kă bro, rơwah phan geh lơh niam, tơnguh ală broă sền gròi, jăt sền drà kă bro mờ tơnguh broă sền gàr gơnoar kwơ cau ngui sa in...