VOV4.K’ho- Ƀan Kiñ tế dà lơgar pa bơyai lơh Cribơyai bơtàu tơnguh kơ̆ kơljap jŏ jòng sùm lơh sa dà lềng Việt Nam nam 2022 tàm càr Phú Yên. Tiah dà lềng Việt Nam geh phan kuơ tàm dà lềng li la ngan bal mờ rlau 2 rbô jơi ka, tàm hơ̆ mờr 110 jơi geh bơta kuơ lơh sa uă.

Cau lơh ka Bình Định kup ka ngừ dà lềng dờng

Tàm bơta bơtàu tơnguh, gah lơh phan tàm dà sùm dờp geh bơta sền gròi bơh Đảng, dà lơgar mờ ală kâp gơnoar atbồ dê. Bơdìh mờ tơnhàu phan tàm dà, Ƀộ Nông nghiệp mờ Phát triển Nông thôn neh bơt bơtàu ală rơndap broă lơh bơtàu tơnguh ròng tam phan tàm dà lềng. Lơh sa dà lềng gam gơ gơs là bơta pràn chul chồl bơtàu tơnguh bơh dà lơgar dê. 60% kờp jơh phan lơh gơs tàm lơgar geh tă pơgồp bơh lơh sa dà lềng. Nhơl chờ bồt dà lềng cèng wơl 70% priă jền lơh geh ai gah nhơl chờ gùt lơgar in. Pơndiang phan bơna gùng dà lềng, khà tơnhàu nhơm zờu, ròng tam mờ tơnhàu phan tàm dà geh uă.

Cau mblàng K’Duẩn