Pơrjum geh Ƀộ trưởng Ƀộ Kế hoạc mờ Đầu tư lơgar Việt Nam ồng Nguyễn Chí Dũng mờ Ƀộ trưởng Ƀộ Thương mại mờ Zu lịc lơgar Australia ồng Don Farrell đơng lam bal.

Tàm pơrjum, Ƀộ trưởng bàr gah neh cri bơyai nàng ai geh ală broă lơh chồl pràn kơl dang bơta git gơ̆p lơh sa đah lơgar Việt Nam mờ lơgar Australia, mờ đơs niam broă lơh jăt broă lơh jŏ jòng Tơnguh broă lơh sa mờ cồng nha bơh dơ̆ pơrjum ală mpồl lơh broă bè ODA, FDI mờ kă bro. Mờ iăt ală jơnau đơs, jơnau dan bơh mpồl lơh sa kă bro lam lài lơgar Việt Nam mờ lơgar Australia nàng lơh pràn tiah kă bro tơnguh bơtàu kơl jăp. Bơdìh hơ̆ tai, bàr gah neh cri bơyai bè lơh broă bal đah bàr lơgar tàm ală dơ̆ pơrjum uă lơgar mờ tàm tiah do bè mpồl ASEAN, APEC, WTO, RCEP, CPTPP. Pơrjum neh pờ geh ală gùng dà tơnguh bơtàu pa ai bơta git gơ̆p lơh sa đah lơgar Việt Nam mờ lơgar Australia in.