Quý 1 nam 2024, lùp dồs priă dia bơh càr Kon Tum dê geh mờr 830 tơmàn đông, mìng geh 18% khà kờp dŭ bơh càr dê jàu, ờ hềt lơh gơtùi jat tơngai pơrgon. Tàm 3 nhai bồ nam, Kon Tum mìng gơ hòi gơ jà geh 2 rơndap broă lơh bơcri priă mờ kờp jơh priă bơcri cih tàm sră 56 tơmàn đông.

Pơrjum Ƀan Cấp hàñ Đảng ƀộ càr Kon Tum tơrgùm cribơyai, sền sơ wì cồng nha lơh geh, bơta ờ niam tàm broă lam lơh kơnòl lơh sa- mpồl bơtiàn, sền gàr dà lơgar, sền gàr lơngăp lơngai, bơt bơtàu Đảng, anih lơh broă cíñ trị quý 1. Mblàng lơh loh jơnau bơh tài, ngan là jơnau tài bơh sền ờ sơp; git nền kơnòl bơh tơl nă kwang bàng tàm Tỉñ ủy, cau atbồ mờ mpồl bal, anih lơh broă, mpồl lơh broă, kâp hơ đơm dê gơ wèt mờ ală bơta ờ niam, mờ kung ai tơlik kơnòl broă tờm, broă lơh kuơmàng nàng bơsong.