VOV4.K’ho- Mho ngai 22/03, tàm ƀòn dờng Hạ Long, càr Quảng Ninh, Ƀộ Văn hoá, Thể thao mờ Zu lịc pơgồp bal mờ Ủy ƀan Ñân zân càr Quảng Ninh, ală anih lơh broă geh gơrềng bal bơyai lơh Pơrjum lam lơh dơ̆ lơh wơl broă lơh nhơl chờ: Việt Nam- Lòt sền nàng gĭt jơh wil tơl.

Tàm pơrjum, ồng Nguyễn Trùng Khánh, Kwang ătbồ Tổng kụk Nhơl chờ, Ƀộ Văn hoá, Thể thao mờ Zu lịc Việt Nam neh yal broă rơndăp lơh lơh wơl broă lơh nhơl chờ jơh bal tàm lơgar mờ dunia tàm bơta bè ờs pa mờ ală jơnau cih ờdo ờdă geh ơn lài khà dùl. Là Anih tờm nhơl chờ dờng bơh jơh gùt lơgar dê, càr Quảng Ninh kung neh rơcăng wă rò năc lòt nhơl bal mờ ală broă lơh niam chài, tàp pràn să jan, nhơl chờ jŏ jòng tàm nam 2022. Mìng is tàm nhai 04 tus geh ală broă lơh pơnrơ ngan, bè: Lơh chờ Carnaval Hạ Long 2022, Lơh chờ Aù tiang, Pơrlòng trŭ gơm phan sa, pơrlòng lơh xiếc dunia niam bơnĕ krơi is ngan...

Cau mblàng Lơ Mu K’Yến