Trung tướng ồng Phạm Trường Sơn, Phó Tổng tham mưu trưởng Ling klàng làng bol Việt Nam tus bal mờ jàu Gai lòng dờng màng ai Lữ đoàn đặk kông khin cha jak chài in. Đòm jat bơhiàn mpồl ling khin cha jak chài, mut tàm tŭ tơngai pa, Lữ đoàn Đặk kông ƀộ 198 sùm tam klac bal, ring bal dồ nùs, bơt bơtàu mpồl ling kơ̆ kơljap, pràn kơldang bè cíñ trị, bồ tơngoh, nùs nhơm, rơndap lơh mờ kwang bàng. Kwang bàng, cau ling sùm geh nùs nhơm cíñ trị kơ̆ dơn, ngac ngar, khin cha jak chài, jơh nùs dòn song mờ jơnau kờñ bồ tơngoh mờ gùng dà tam gơl pa Đảng dê.

Đại tá ồng Nguyễn Minh Mạnh, Cíñ ủy Lữ đoàn Đặk kông ƀộ 198 đơs nền, kwang bàng, cau ling Lữ đoàn sùm git loh bồ tơngoh mờ đòm jat nùs nhơm niam bơnĕ Cau ling Wa Hồ mờ bơhiàn ờs mờng bơh mpồl ling Đặk kông khin cha jak chài dê, tŭ lơi kung crăp rơcang dờp mờ lơh gơs tơl kơnòl broă geh jàu.