VOV4.K’ho- Tơngkah kir sơnrai 97 nam Ngai sră ƀău kac màng Việt Nam, mang do, dơ̆ jàu khà jờng sră ƀău dà lơgar dơ̆ 16 nam 2021 geh lơh yŭ rơyùm tàm Hà Nội. Do là broă dờng gơ hòi gơ jà bơta sền gròi uă ngan bơh cau lơh ƀău gùt lơgar dê. Bơh 2 rbô jơnau sră ƀău tus bal pơrlòng, bơh uă dar sac rơ wah, Mpồl bơyai lơh neh lơh nền, jàu: 10 khà A, 22 khà B, 48 khà C, 35 khà pơn jờng ai ală cau cih ƀău, mpồl cau cih ƀău jak ngan rlau jơh in. Ală jơnau sră ƀău tus bal Pơrlòng sră ƀău dà lơgar nam 2021 neh yal di tŭ, loh làng ală broă cíñ trị dờng bơh dà lơgar dê, kuơmàng, tơngume gơ rềng tus kòp dờng Kovid-19 cih loh làng ngan tềl lời wơl bơta tơmut să bơh ală cau cih ƀău dê. Uă jơnau sră ƀău ai gŏ cồng nha gơ rềng mpồl bơtiàn niam, geh ală anih lơh broă geh gơnoar cih dờp, bơsong, mpồl bơtiàn đơs niam ngan.

Cau mblàng K’Duẩn