VOV4.K’ho- Mho ngai 20/4, geh lơh pơrjum bal đah Ủy ƀan Thường vụ Quôk hội mờ Mặt trận dà lơgar Việt Nam. Tàm pơrjum, Củ tịc Quôk hội ồng Vương Đình Huệ cih dờp, đơs niam mặt trận dà lơgar mờ ală mpồl geh jơng neh ngai sơlơ ai gŏ gơnoar broă kuơmàng là mpồl lơh broă ala mat làng bol dê, là dùl mpồl rơndap sap sèng bơt bơtàu gơs kuơmàng ngan tàm ală anih lơh broă cíñ trị tàm lơgar he.

Củ tịc Quôk hội đơs nền, broă lơh pơgồp bal đah Đoàn Củ tịc Ủy ƀan Mặt trận dà lơgar Việt Nam mờ Ủy Ƀan Thường vụ Quôk hội ngai sơlơ geh sền gròi, gàr kơ̆, sơlơ geh tơnguh rlau tai. Mờ kung sồr Mặt trận dà lơgar Việt Nam mờ ală mpồl geh jơng pơn jat tai kơlôi sơnơng, pơlam lơh jat 5 mpồl kơnòl broă, broă lơh tàm jơnau đơs đơng lam bơh Tổng Ƀí thư ồng Nguyễn Phú Trọng dê tàm pơrjum bơh Ủy ƀan Mặt trận dà lơgar Việt Nam nhai 8 nam 2021; lơh niam rlau tai gơnoar broă là bơta tờm cíñ trị tàm mpồl tam klac dờng jơh gùt jơi bơtiàn, là rbàng tơrbŏ kơ̆ kơljap đah Làng bol mờ Đảng, Dà lơgar.

Cau mblàng K’Duẩn