Tàm xã Ea Hiu mờ Ea Yiêng, kơnhoàl Krông Păc, tơngu me jơnau mblàng yal tơrgùm bè broă rơcang tam dră mờ pù pờng hìu nhă ai cau klao, cau ùr ơruh pơnu mờ cau neh bao gam kơnòm să.

Gam tàm xã Ea Rốc, kơnhoàl Ea Súp, tơrgùm mblàng yal bè broă ngui gơnoar kwang atbồ ƀòn, cau geh bơngă pin dờn tàm ƀòn lơgar tàm broă rơcang tam dră pù pờng hìu nhă. Bơh jơnau lơh lèo, pơgồp bal mờ broă tam pà jơnau git wă bal mờ tìp bal tơn, tơngu me mblàng yal tơrgùm bè broă bao gờñ, pù pờng hìu nhă tàm mpồl bơtiàn tŭ do; broă lơh tŭ gơtìp pù pờng hìu nhă, gơnoar bơh kra ƀòn, kwang atbồ ƀòn, cau geh bơngă pin dờn tàm broă rơcang tam dră pù pờng hìu nhă. Jơnau yal ală kơrnoăt tàm adăt boh lam dê bè rơcang tam dră pù pờng hìu nhă, ală anih dờp jơnau yal, yă pù pờng hìu nhă; jơnau yal bơsong tàm broă rơcang tam dră pù pờng hìu nhă.