VOV4.K’ho- Mho ngai 22/04, Phó Thủ tướng Cíñ phủ ồng Vũ Đức Đam đơng lam pơrjum bè broă lơh rcang bơyai lơh Tàm pơrlòng tàp pràn să jan Đông Nam Á dơ̆ 31 (Sea Games 31). Jat Mpồl bơyai lơh yal, tus tŭ do, ală broă lơh rcang ai dơ̆ pơrlòng sền bal là neh lơh sir, rcang lài ai ngai chờ tàp pràn să jan dờng ngan rlau jơh tàm tiah do dê.

Mpồl bơyai lơh Sea Games 31 neh kĭ ring bal mờ đơng lam lam lơh ală rơndap broă lơh, broă rơndap lơh gàr niam bơta ờdo ờdă, sền gàr lơngap lơngai; gah lơh sơnơm mờ lòt sền doping; rcang sơndră kòp Kovid-19; mpồl drơng broă mờ drơng broă mpồl bơtiàn; gùng lòt; bơto bơtê cau tus bal dong kờl is; rcang ai dơ̆ sơnđờm mut pơrlòng mờ tơn jơh pơrlòng...Phó Thủ tướng  ồng Vũ Đức Đam neh sồr pal tă bơsong ală broă gam gơ kòl tàm broă lơh rcang lài ai Sea Games 31 in. Ngan là broă rcang lài ai dơ̆ sơn đờm lơh dơ̆ pơrlòng mờ tơn jơh dơ̆ pơrlòng; tàm pà rơndeh rơn dồ măy mok pơn diang drơng broă ală mpồl tàp pràn să jan in. Phó Thủ tướng sồr ală Ƀộ, ngàñ, ală tiah pơn jat tai pơgồp bal niam geh cồng nha nàng bơsong tơn ală broă kal ke jat di mờ gơnap gơnoar, ngan là ală sră nggal hàñ cíñ, mhar ngan lơh sir ală kơnòl broă geh jàu, bơyai lơh niam, geh cồng nha Sea Games 31.

Cau mblàng K’Hạnh