Jăt Anih yal lài trồ tiah dà ia càr Lâm Đồng yal, tàm ală ngai do, tàm càr do geh mìu bơh di mơ tus sơr mờ geh tiah mìu sơr ngan. Mìu sơr bal mờ broă di gơlan lơh gơtìp gơban dà tàm ală tiah thòng ƀòn drà, tiah jăt gah dà dờng, tơrlah ù tàm ală tiah geh ù dòr kơh.

Anih duh broă làng bol càr Lâm Đồng neh geh sră nggal sồr ală anih lơh broă, mpồl lơh broă tàm càr do rơcang lài, tơrgùm lơh jăt ală gùng dà, broă lơh rơcang sơndră tơrlah ù, dà cò. Anih duh broă làng bol ală kơnhoàl, ƀòn dờng Dà Làc mờ ƀòn dờng Bảo Lộc sồr bơyai lơh sền gàr ngai kung bè mang tàm kàl mìu càl dờng, sền gròi nền nòn bơta gơlik geh bơh trồ tiah, yal di tŭ tus tơl thôn, ƀòn, làng bol nàng rơcang pleh mờ sơndră lài ală bơta gơlik geh bơh mìu càl dờng, dà cò, gơbam dà, tơrlah ù, càl pồt pràn di gơlan gơlik geh.