Mìu piar gơlik geh tàm uă tiah tàm ƀòn dờng Dà Làc mờ dùl bơnah kơnhoàl Lạc Dương, càr Lâm Đồng dê. Mơya mìu dờng jŏ jòng geh bal mờ mìu piar làm uă tiah tàm bàr pe tiah mơya ờ lơh hoàc huơr bè phan bơna, phan tam lơyah ngai. Do geh sền là mìu dờng kwơ màng ngan ai tiah kơh bơnơm Lâm Viên in tơnơ̆ dùl tơngai ro kơnrañ, trồ tơngai duh ngan.

Bal mờ ƀòn dờng Dà Làc mờ kơnhoàl Lạc Dương, bàr pe tiah gơwèt kơnhoàl Dam Rong, Lâm Hà mờ ƀòn dờng Bảo Lộc kung neh geh mìu. Tàm hơ̆, gơdùh dà mìu tàm mho ngai 30/03 tàm xã Dà K’Nàng, kơnhoàl Dam Rong kung geh bal mìu piar sơl. Mìu piar gơlik geh tàm càr Lâm Đồng là bè ờs lơm, mơya mìu piar geh tàm dơ̆ gơdùh mìu sơnrờp mờ geh bal tàm jơh ală tiah thòng bè Dam Rong, tiah jơnhoa Dà Làc, là bơta ờ hoan geh ngan.