Jăt mờ hơ̆, Ƀan Ƀí thư Lơh nền ring bal mò Huỳnh Thị Chiến Hoà, Kwang geh jơng tàm Mpồl Lơh kơnòl broă sùm Tỉñ ủy, Củ tịc Mpồl duh broă làng bol càr Dăk Lăk guh at gơnoar broă Phó Ƀí thư Tỉñ ủy tơngai lơh broă bơh nam 2020 tus 2025.

Mò Huỳnh Thị Chiến Hoà deh ngai 18 nhai 04 nam 1973, ƀòn tờm càr Quảng Ngãi. Lài mờ tŭ geh pồ at gơnoar broă Phó Ƀí thư Tỉñ ủy càr Dăk Lăk, mò Huỳnh Thị Chiến Hoà neh geh tŭ at gơnoar ală gah broă: Phó kwang atbồ Sở Broă rơndăp lơh mờ Bơcri priă càr Dăk Lăk; Kwang atbồ Sở Lơh broă mờ lơgar ndai càr Dăk Lăk; Kwang geh jơng tàm Mpồl lơh kơnòl broă sùm, Kwang atbồ Ƀan Tuyên giáo Tỉñ ủy càr Dăk Lăk; Củ tịc Mpồl duh broă làng bol càr Dăk Lăk. Đơs tàm dơ̆ dờp guh at gơnoar broă, mò Huỳnh Thị Chiến Hoà pà git rơ̆p lơh ngan jơh nùs jơh pràn tàm gơnoar broă pa, jơh nùs, jơh pràn, mhar dờp kơnòl broă pa bal mờ mpồl kwang bàng đơng lam càr Dăk Lăk tam klăc bal, lơh ngan, gờñ ai càr Dăk Lăk bơtàu tơnguh, kơ̆ kơl jăp.