VOV4.K’ho- Mho ngai 22/9, Hội đồng Ñân zân càr Dăk Lăk khoă 10, tơngai lơh broă bơh nam 2021 tus nam 2026 neh bơyai lơh pơrjum tơngume dơ̆ 6 nàng lam lơh pồ bơ tơl gơnoar broă Củ tịc Hội đồng Ñân zân càr khoă 10.

Mò Huỳnh Thị Chiến Hòa geh pồ lơh Củ tịc Hội đồng Ñân zân càr Dăk Lăk tơngai lơh broă bơh nam 2021 tus nam 2026

Jat hơ̆, mờ khà sră pồ ring bal 91,89%, mò Huỳnh Thị Chiến Hòa- Ủy viên Ƀan Thường vụ Tỉñ ủy, Kwang atbồ Ƀan Tuyên giáo Tỉñ ủy neh geh pồ lơh Củ tịc Hội đồng Ñân zân càr Dăk Lăk khoă 10, tơngai lơh broă bơh nam 2021 tus nam 2026. Mò Huỳnh Thị Chiến Hòa deh ngai 18/4/1973, ƀòn tờm tàm càr Quảng Ngãi; mờng chài bơsram Kử ñân Kiñ tế đối ngoại, jơh bơsram lý luận cíñ trị kao kâp. Mò Hòa neh geh tŭ at ală gơnoar broă: Phó Kwang atbồ Sở Kế hoạc mờ Đầu tư càr Dăk Lăk; Kwang atbồ Sở Ngoại vụ Dăk Lăk; Ủy viên Ƀan Thường vụ, Kwang atbồ Ƀan Tuyên giáo Tỉñ ủy Dăk Lăk.

Cau mblàng K’Duẩn