Tàm ală broă lơh bơh sơnrờp bơh dơ̆ lòt còp dê, Mpồl neh geh ală dơ̆ tìp măt kâp dờng mờ Phó Củ tịc Đảng Làng bol lơh tờm Khăt gơboh ăt gơnoar ồng Aso Taro, Kwang ătbồ Mpồl Cau gơnoar cih Đảng Làng bol lơh tờm Khăt gơboh ồng Motegi Toshimitsu; wă rò Kwang ătbồ càr Wakayama ồng Shuhei Kishimoto; tìp măt kwang bàng, đảng viên pơnrơ ngan bơh Đảng ƀộ mờ Đại sứ quán lơgar Việt Nam tàm lơgar Nhờk.

Đơs niam ngan broă bơtàu tơnguh pràn kơldang, tơl làm, ngan ngồn tàm ală broă đah 2 lơgar dê tơnơ̆ 50 nam lơh gĭt gơ̆p cribơyai broă mờ lơgar ndai, mò Trương Thị Mai đơs nền lơgar Việt Nam ờ tŭ lơi tam gơl sền dờng màng gĭt gơ̆p Tam klăc lơh broă bal jŏ jòng tơl làm mờ lơgar Nhờk; tŭ lơi kung kờñ pơgồp bal mờ Cíñ phủ, Đảng Làng bol lơh tờm Khăt gơboh is mờ ală đảng cíñ trị, ală tiah bơh lơgar Nhờk dê ai gĭt gơ̆p 2 lơgar bơtàu tơnguh jrô ơnàng làm uă, tơl làm, ndrờm pal mờ bơta rơndăp nền, gơnoar broă pa bơh gĭt gơ̆p 2 gah dê.