Đơs pơn dut pơrjum, mò Trương Thị Mai jờng rơ ală mpồl đảng, đảng đoàn, mpồl kwang bàng drơng broă đảng, ală đảng ủy gơ wèt dà lơgar tàm nam 2023 neh jơh nùs, rơcang lài ală rơndap broă, jơnau yal geh jàu kơnòl tàm Tơngume lơh broă bơh Ƀộ Cíñ trị, Ƀan Ƀí thư dê, bơta niam tơngume ală rơndap broă, jơnau yal lơh jat jơnau sồr. Nam 2024, đòm jat ală cồng nha neh lơh geh, bơsong ală bơta ờ niam, Duh broă sùm Ƀan Ƀí thư sồr ală anih lơh broă geh gơ rềng pal pơgồp bal niam rlau tai tàm broă bơt bơtàu broă lơh, broă rơndap lơh lam lơh ală rơndap broă bơh Ƀộ Cíñ trị, Ƀan Ƀí thư dê; ală anih lơh broă geh jàu kơnòl pal tơrgùm, rơcang lài bơt bơtàu ală rơndap broă, jơnau yal geh jàu; bàr, pe rơndap broă kal ke, ƀuơn gơ rềng neh gam bơh uă nam lài pal tơrjùm bơsong jơh jat tơngume neh ai tơlik.