Ƀăo Nhân dân lồi poh (mat sơnđan bơh sơnrờp là Nhân dân ngai rlô) là ƀăo lĭp lồi poh sơnrờp bơh sră ƀăo kăc màng Việt Nam dê. Tàm sùm 35 nam do, pang ƀăo sùm dùl nùs mờ jơnau sồr, broă jàu bơh dùl gah lĭp ƀăo Đảng dê lòt bal mờ bơta ngăc ngar tam gơl pa, lơh pa gùng dà broă lơh mblàng yal nàng sùm lơh sir pơlam gùng dà bơtàu tơnguh, lơh geh bơhiàn niam bơnĕ, đơs nền nùs nhơm khin cha bal mờ gùng lòt di pal ngan mờ geh cồng nha...

Cih dờp, jờng rơ cồng nha lơh geh 35 nam do bơh Ƀăo Nhân dân lồi poh dê, mò Trương Thị Mai sồr tàm tơngai tus, mờ gơnoar broă kwơ màng ngan bơh he dê, Ƀăo Nhân dân pal pơn jat tai pơnđơl pràn lơh ngan sùm lòt lài tàm broă lơh mblàng yal gùng dà broă lơh bơh Đảng dê, cih yal geh ală broă gơlik geh, lơh kah wơl nùs nhơm kờñ gơboh Dà lơgar, bơta pràn tam klăc dờng, pơgồp bơnah bơt bơtàu Dà lơgar sơlơ bơtàu tơnguh tai, kis chờ hờp, tơnguh uă rùp hin gơnoar broă mờ bơngă lơgar Việt Nam dê tàm dơ̆ pơrjum tàm dunia.