VOV4.K’ho- Tàm tơngume dơ̆ lòt còp mờ lơh broă tàm lơgar Lào bơh ngai 30/5 tus ngai 1/06, mho ngai 30/05, Ủy viên Ƀộ Cíñ trị, Ƀí thư Đảng dà lơgar, Kwang atbồ Mpồl rơndap broă Đảng dà lơgar mò Trương Thị Mai lam bồ mpồl Kwang bàng Mpồl rơndap broă Đảng dà lơgar tus còp mờ lơh broă tàm Đại sứ quán Việt Nam tàm lơgar Lào.

Mò Trương Thị Mai tìp mat Đại sứ quán Việt Nam tàm lơgar Lào

Tàm dơ̆ lơh broă, mò Trương Thị Mai đơs nền, kwang đơng lam bồ 2 lơgar Việt Nam mờ Lào sùm sền gròi, bơtàu tơnguh bơta gĭt gơ̆p kwơ màng đah Việt Nam mờ Lào. Ala mat Kwang bàng, cau lơh broă Đại sứ quán mờ ala mat ală anih lơh broă Việt Nam kềng gah Đại sứ quán, Đại sứ ồng Nguyễn Bá Hùng đơs ngan, geh lơh jat niam kơnòl broă geh kwang đơng lam bồ kấp dờng Đảng, dà lơgar dê jàu, bal mờ mpồl kwang bàng, cau lơh broă Đại sứ quán mờ ală anih lơh broă kềng gah Đại sứ quán dê lơh niam broă lơh lơh broă mờ lơgar ndai, pơgồp bơnah bơtàu tơnguh mờ sơlơ tơnguh bơta gĭt gơ̆p Việt Nam mờ Lào ngai sơlơ bơtàu tơnguh, geh ngan, tài bơta kwơ bơh làng bol 2 lơgar Việt Nam mờ Lào.

Cau mblàng K’Hạnh