Tàm Hìu lơh broă Đảng Dà lơgar, mò Trương Thị Mai, Thường trực Ƀan Ƀí thư, Kwang atbồ Mpồl rơndap broă Dà lơgar neh đơng lam dơ̆ tìp mat đah Mpồl Kwang bàng Đảng lơgar he dê mờ Mpồl kwang bàng Đảng Kăc màng (CCM) at gơnoar tàm lơgar Tanzania bơh ồng Áp-đun-ra-ma Ô-ma Ki-na-na, Phó Củ tịc Đảng CCM lam bồ.

Mò Trương Thị Mai đơs sùm lơgar Việt Nam chờ hờp sền gŏ ală cồng nha mờ lơgar Tanzania lơh geh bơh bơta đơng lam bơh Đảng CCM dê tàm bơtàu tơnguh lơh sa, tơn jơh jơgloh tơrmù rƀah, geh uă tă pơgồp ai broă bơt bơtàu dùl tiah đah mat tơngai lik câu Phi ring lơngai, kơ̆ kơl jap mờ bơtàu tơnguh. Tàm nùs nhơm gĭt gơ̆p lơh bơyô, bàr gah ring bal sơlơ lơh niam rlau tai bơta gĭt gơ̆p đah 2 đảng, lơh geh bơnàng jă cíñ trị kơ̆ kơl jap nàng sơlơ tơnguh bơta gĭt gơ̆p đah 2 gah. Kwang đơng lam bồ 2 đảng dùl nùs ring bal lơh pràn cribơyai jơnau tàm sră pơàr mờ bơta geh ngan đơng lam dà lơgar; sơlơ tơnguh lơh broă bal bơto bơtê mờ bơto pơlam kwang bàng; lơh geh bơta ƀuơn ai ală broă lơh kă bro, bơcri priă; pơn jờng lơh broă bal niam chài, tìp mat lơh kwèng làng bol, tài bơta kwơ bơh tơl Đảng, tơl lơgar, tài ring lơngai, kơ̆ kơljap, lơh broă bal mờ bơtàu tơnguh.