VOV4.K’ho - Ngai òr (21/07), tàm hìu lơh broă Đảng dà lơgar, mò Trương Thị Mai, Kwang geh jơng tàm Ƀộ Cíñ trị, Ƀí thư Đảng dà lơgar, Kwang atbồ mpồl rơndăp broă dà lơgar, Củ tịc Mpồl nghị sĩ lơh bơyô bal đah lơgar Việt Nam mờ lơgar Nhờk neh wă Củ tịc HĐQT Ngân hàng lơh broă bal dunia lơgar Nhờk (JBIC) ồng Ma-ê-đa Ta-đa-si.

Tàm dơ̆ wă, mò Trương Thị Mai đơs tờm, lơgar Việt Nam gam lơh jăt Nghị quyết pơrjum dờng dơ̆ 13 bơh Đảng dê, lơh ngan nàng geh jăt jơnau kờñ gơs dà lơgar tơnguh bơtàu tàm nggùl rài 21, mờ đơs tai, lài mờ tơnơ̆ kung bè hơ̆, lơh jăt gùng dà broă lơh bal mờ lơgar ndai khăt gơboh is, lơh tờm, ring lơngai, git gơ̆p, lơh broă bal mờ tơnguh bơtàu, lơh bơyô bal mờ uă lơgar, lơh uă bơta git gơ̆p, tàm hơ̆ geh sền kwơ ngan broă lơh git gơ̆p bal jŏ jòng mờ lơgar Nhờk. Mò Trương Thị Mai sồr Ngân hàng lơh broă bal dunia lơgar Nhờk pơn jăt tai tơnguh kơrnoăt lơh broă bal đah Ngân hàng lơh broă bal dunia mờ ală anih lơh broă lơgar Việt Nam, tơnguh broă lơh bal mờ ală anih lơh broă Cíñ phủ lơgar Việt Nam, mờ kơlôi sơnơng pờ ơnàng ală khà priă càn ai ală mpồl lơh sa kă bro lơgar Việt Nam ha là ală mpồl lơh broă pơgồp bal đah mpồl lơh sa kă bro lơgar Nhờk mờ lơgar Việt Nam geh lơh broă, bơcri priă bal tàm lơgar Việt Nam.

Cau mblàng Ndong Brawl