Mò Trương Thị Mai yal bè bàr pe gùng dà, broă lơh dờng nàng kờñ rề ơnàng mờ tơnguh uă cồng nha lơh broă bal đah 2 lơgar tàm ală gah broă lơh, bè lơh sa mờ măy mok lơh mòn phan, gah broă brê bơnơm kơ̆ kơl jăp jŏ jòng, tam gơl tơlir, nàng tơnguh tai lơh broă bal lơh sa, kă bro phan bơna, bơcri priă. Mò kung đơs wih đơs wơl bơta kờñ ngan sơlơ tàm pơgơl ală mpồl kwang bàng kâp dờng lòt còp bal mờ gơ̆p, lơh broă bal tàm ală gah đảng, Quôk hội, đah ală ƀộ, gah lơh broă mờ tìp măt lơh kwèng làng bol.

Củ tịc Quôk hội lơgar Phần Lan đơs nền 2 lơgar gam uă bơta pràn lơh broă bal tàm ală gah broă mờ lơgar Phần Lan geh bơta pràn mờ Việt Nam geh jơnau kờñ, Việt Nam là anih tus lơh gơkờñ ngan cau bơh ală mpồl lơh sa kă bro lơgar Phần Lan dê; 2 lơgar kờñ pal pơn jăt tai chồl tơnguh, lơh gơlik bơta tam gơl pràn kơldang bè lơh broă bal tàm jơh ală gah broă lơh.