Drim òr (21/03), Pơrjum ni sơna dơ̆ 6, Quốk hội khoă XV neh bơyai lơh tàm Hìu Quốk hội, Càr lơgar Hà Nội tềng đăp broă đơng lam bơh Củ tịc Quốk hội ồng Vương Đình Huệ nàng lơh jăt broă sền sơwì lời gơnoar broă Củ tịc lơgar Kộng hoà xã hội Củ nghĩa Việt Nam tơngai bơh nam 2021 tus 2026 mờ ai lời lơh kơnòl broă Kwang bàng Quốk hội khoă XV gơwèt ồng Võ Văn Thưởng gơwèt Mpồl kwang bàng Quốk hội ƀòn dờng Đà Nẵng.

Tơnơ̆ mờ tŭ iăt jơnau yal ală jơnau Yal, Jơnau mblàng yal lơh loh, jơnau đơs bơh ồng Võ Văn Thưởng dê, Quốk hội neh bơyai lơh cri bơyai, đùh sră mờ ring bal Nghị quyết bè broă lời at gơnoar broă Củ tịc lơgar Kộng hoà xã hội củ nghĩa Việt Nam tơngai bơh nam 2021 tus 2026 mờ ai lời lơh kơnòl broă kwang bàng Quốk hội khoă XV gơwèt mờ ồng Võ Văn Thưởng gơwèt mpồl kwang bàng Quốk hội ƀòn dờng Đà Nẵng.

Tơnơ̆ mờ tŭ tơn jơh Pơrjum ni sơna dơ̆ 6, Quốk hội khoă XV, ai bơh tàm Sơnoa boh lam lơgar Kộng hoà xã hội củ nghĩa Việt Nam mờ jơnau cih tàm adăt boh lam gơrềng bal, ủy ƀan Thường vụ Quốk hội neh tơlik Jơnau yal bè broă lơh jăt at ing gơnoar broă Củ tịc lơgar Kộng hoà xã hội củ nghĩa Việt Nam. Jăt mờ hơ̆, mò Võ Thị Ánh Xuân, Phó Củ tịc lơgar at ing gơnoar broă Củ tịc lơgar Kộng hoà xã hội củ nghĩa Việt Nam bơh ngai 21 nhai 03 nam 2024 tus tàm tŭ Quốk hội pồ geh Củ tịc lơgar pa.