Tơngai lơh broă pa do, Anih duh broă Mặt trận Dà lơgar Việt Nam ală kâp tàm càr Kon Tum neh hòi jà Làng bol tàm pơrlòng bơsram, lơh broă bơceh lơh, lơh jăt geh cồng ală jơnau kờñ bơtàu tơngguh lơh sa, niam chài, mpồl bơtiàn; jơh nùs tus bal jăt sền mờ tă pơgồp jơnau đơs mpồl bơtiàn dê; rơcăng lài kơryan sa kwề sa kwà, bơta ờ niam, pơhì pơhà, pơgồp bơnah bơ̆t bơtàu Đảng, Gơnoar ătbồ sàng goh pràn kơldang kơ̆ kơl jăp.

05 nam do, Kes priă “Tài Cau rƀah” ală kâp càr dê neh hòi jà tă pơgồp geh mờr 59 tơmàn đong, dong kờl lơh pa mờ lơh niam wơl rlau 1 rbô nơm hìu tam klăc dờng, jàu pà rlau 35 rbô 800 bơnah phan di dơ̆ sa tềp, dơ̆ lơh chờ, dong kờl rlau 270 hìu rƀah, hìu mờr ndrờm bè hìu rƀah bơtàu tơngguh lơh sa. Pơrjum dờng pơrjum cribơyai ring bal pồ 91 nă kwang bàng Anih duh broă Mặt trận dà lơgar Việt Nam càr Kon Tum khoă pa. Mò Y Thị Bích Thọ geh cribơyai ring bal pồ ăt gơnoar broă Củ tịc Anih duh broă Mặt trận dà lơgar Việt Nam càr Kon Tum khoă XI.