Jăt mờ hơ̆, tàm dơ̆ do tàm càr Dăk Lăk geh 16 rơbô 290 hìu mờ 61 rơbô 342 nă làng bol gơwèt 12 kơnhoàl tàm càr geh dong kờl phe sa bơh Cíñ phủ dê di tàm Satềp nam Giáp Thìn 2024.

Tơl nă làng bol geh dờp 15 kĭ phe. Kờp jơh khà phen gah pà di tàm dơ̆ do là rơlao 950 tấn. Tơnơ̆ mờ tŭ dờp jơnau đơng lam bơh Thủ tướng Cíñ phủ dê, ală gah lơh broă, mpồl lơh broă tàm càr Dăk Lăk bơyai lơh sền wơl nàng cih măt ală hìu gơtìp kal ke nàng bơyai lơh pà phe sa ai làng bol in. Broă pà phe sa geh lơh gàr bơta niam, khà geh, di cau mờ tơngai pà tơn jơh tàm mho ngai 28 Satềp.