VOV4.K’ho- Drim ngai 05/8, Mpồl git gơp lơh bơyô Việt Nam- Lào càr Dăk Lăk, lơgar Việt Nam mờ Mpồl git gơp lơh bơyô Lào- Việt Nam càr Sekong, lơgar Lào bơyai lơh pơrjum sền wơl 4 nam dờp lơh oh mi.

Càr Dăk Lăk pà phan kir sơntai ai Mpồl git gơp lơh bơyô Lào- Việt Nam càr Sekong in

Tàm 4 nam do, Tỉñ hội 2 càr Dăk Lăk mờ Sekong neh lam lơh uă broă lơh geh kuơ, ngan ngồn, pơgồp bơnah gàr kơ̆, bơt bơtàu, sơlơ gàr kơ̆ git gơp niam bơnĕ đah 2 lơgar Việt Nam mờ Lào. 2 gah gàr sùm broă lơh pơgồp bal tàm yal jơnau, lơh gơlik bơta niam ai kwang bàng Tỉñ hội 2 càr in tìp mat, lơh kwèng, bơsram, đòm jat, tàm pơ gơl mờng chài lơh broă. Tỉñ hội Dăk Lăk neh pơgồp bal, dong kờl, jat sền broă lơh bơto bơtê, lơh gơlik bơta niam ngan rlau jơh ai 59 nă kơnòm bơsram lơgar Lào gam bơsram tàm ală hìu bơsram tàm càr Dăk Lăk. Gàr sùm bơyai lơh sa tềp bơhiàn yau Bounpimay pah nam ai mpồl cau Việt Nam jơi lơgar Lào tàm xã Krông Na, kơnhoàl Buôn Đôn in.

Cau mblàng K’Duẩn