VOV4.K’ho - Bal mờ gùt lơgar, drim òr (16/02), geh mờr 9 rơbô nă klao pơnu jăk chài tàm 5 càr tiah Tây Nguyên neh lòt ling, lơh jăt kơnòl sền gàr dà lơgar.

                       Dơ̆ jào ling geh lơh nền nòn,ờ do ờ dă rơcang sơndră mờ kòp kovid-19

Tàm hơ̆, càr Dăk Lăk geh 2 rơbô 500 nă klao pơnu lơh jăt kơnòl ling klàng, 427 nă klao pơnu lơh jăt kơnòl kwang àng. Càr Lâm Đồng geh 1 rơbô 150 nă klao pơnu lòt ling. Do là ală klao pơnu jăk chài geh rơwah bơh 12 kơnhoàl, ƀòn dờng tàm càr do dê. Dơ̆ pơrjum jào mờ dờp ling neh bơyai lơh niam tàm ală tiah, gàr niam ờ do ờ dă mờ kwơ màng. Càr Dăk Nông geh rơlao 1 rơbô nă klao pơnu lòt ling; tàm hơ̆ geh mờr 900 nă lơh jăt kơnòl ling klàng, rơlao 100 nă klao pơnu lơh jăt kơnòl kwang àng, tàm hơ̆ geh uă klao pơnu là kòn cau. Càr Gia Lai tàm dơ̆ do geh 2 rơbô 656 nă klao pơnu lơh jăt kơnòl ling klàng, tàm hơ̆ geh rơlao 60% là kòn cau, mờ 22 nă cau là cau geh đảng.

Cau mblàng Ndong Brawl