Tus bal dơ̆ lùp mờ hơ jơnau lùp nàng sền sơwì broă lơh jat bơh Cíñ phủ, ală Ƀộ, gah broă gơwèt mờ 6 Jơnau lơh nền tàm pơrjum bè lùp mờ hơ jơnau lùp mờ jat sền mìng dùl tơngume bơh Anih duh broă Lơh kơnòl broă sùm Quôk hội bơh bồ tơngai lơh broă Quôk hội khoă XV tus jơh nam 2023, tàm càr Dăk Lăk, cau ala mat mò Nguyễn Thị Thu Nguyệt, Mpồl cau ala mat Quôk hội càr Dăk Lăk neh geh jơnau lùp tus mờ Ƀộ trưởng Ƀộ Broă lơh sa mờ Bơtàu tơnguh Ƀòn lơgar bè kơnòl bơh gah Broă lơh sa dê tàm broă lơh rơndăp ù tiah mờ lơh rơndăp ù tiah.

Tơnơ̆ tŭ iăt bơnah hơ jơnau lùp bơh Ƀộ trưởng Ƀộ Broă lơh sa mờ Bơtàu tơnguh Ƀòn lơgar ồng Lê Minh Hoan dê, cau ala mat mò Nguyễn Thị Thu Nguyệt, Mpồl cau ala mat Quôk hội càr Dăk Lăk đơs: Ƀộ trưởng neh ală jơnau hơ nền nòn ngan. Ƀộ trưởng Ƀộ Broă lơh sa mờ Bơtàu tơnguh Ƀòn lơgar kung neh geh ală gùng dà pơlam sồr lơh bơh sơnrờp. Ală bơta gơlik geh tàm bơta geh ngan tŭ do dê tàm broă bơtàu tơnguh gah broă lơh sa tàm tơl tiah mờ jat tơl jơnau kờñ bơh làng bol dê.