Mpồl cau ling yau càr Dăk Lăk tŭ do geh rlau 50 rơbô 700 nă, tus bal pơrjum tàm 261 mpồl tàm ƀòn lơgar. Tàm 20 nam lơh jăt Nghị quyết sồ 09 nam 2002 bơh Bộ Cíñ trị dê, ală cau ling yau càr Dăk Lăk sùm tơnguh uă nùs nhơm, bơta khin cha “cau ling Wa Hồ dê”, tàm hơ̆ bơt bơtàu sền gàr Đảng, gơnoar atbồ, jơh nùs tă pơgồp jơnau đơs tàm broă lơh rcang sơndră sa kuề sa kuà.

Srơh cau ling yau lơh krơh lam lài gàr niam sùm mờ lơh uă tàm uă tiah, bơh hơ̆ sền gŏ mờ lơh gơ rề uă ală krơh niam cau ling yau lam lài, pơn rơ jak. Mpồl cau ling yau càr Dăk Lăk neh hòi jà mờr 138 tơmàn đong nàng tơn jơh hìu sèt mìu nhăt, dong kờl phan tam phan ròng, lơh sră tềm pềr, dong kờl cau tàm mpồl sơr lèt gan rài kis kal ke. Đơs tàm pơrjum, ồng Y Bier Niê, Phó Ƀí thư Tỉñ ủy càr Dăk Lăk đơs là, tơngai tus, mpồl cau ling yau tàm càr pal pơn jăt tai lơh jăt niam gơnoar broă mờ bơhiàn niam bơnĕ bơh “Cau ling wa Hồ dê”, bơto bơtê bơhiàn yau, bồ tơngoh kăc màng ai rơnàng kơnòm să in.