Mpồl cau lơh broă sa càr Dăk Lăk tŭ do geh rlau 194 rơbô nă cau tàm mpồl. Tàm 5 nam do, neh geh rlau 137 rơbô nă cau tàm mpồl cau lơh broă sa cih mat dan tus bal srơh “Cau lơh broă sa tàm pơrlòng lơh sa, kă bro jak, tam klăc bal dong kờl bal lơh pas mờ tơrmù rƀah kơ̆ kơl jăp”. Mờr 103 rơbô hìu bơnhă geh sră jờng rơ cau lơh broă sa lơh sa, kă bro jak ală kấp, ală hìu bơnhă do neh dong kờl bơsong broă lơh ai rlau 25 rơbô nă cau lơh broă in.

Srơh “Cau lơh broă sa tàm pơrlòng lơh sa, kă bro jak, tam klăc bal dong kờl bal lơh pas mờ tơrmù rƀah kơ̆ kơl jăp” tàm càr Dăk Lăk kung pơgồp bơnah nàng 11 rơbô hìu bơnhă cau lơh broă sa in brồ guh lik klàs rƀah, kơ̆ kơl jăp rài kis. Mò Lại Thị Loan, Củ tịc Mpồl cau lơh broă sa càr Dăk Lăk pà gĭt, tàm tơngai lơh broă pa, Mpồl cau lơh broă sa ală kấp rơ̆p pơn jat tai tơnguh bơyai lơh ală broă lơh drơng broă, bơto pơlam dong kờl cau lơh broă sa in bơtàu tơnguh lơh sa kă bro.