Đơs tàm dơ̆ lơh broă, Phó Ƀí thư duh broă sùm Tỉñ ủy Bạc Liêu mò Lê Thị Ái Nam pà gĭt, Mpồl duh broă sùm Tỉñ ủy sùm sền gròi broă lơh bơh Mpồl Cau lơh broă sa dê, ngan là ală broă lơh rơcăng ai Pơrjum dờng Mpồl Cau lơh broă sa ală kâp in. Kwang đơng lam bồ càr neh sồr Mpồl cau lơh broă sa càr dê pơgồp bal mờ Sở Nông nghiệp mờ Phát triển Nông thôn càr Bạc Liêu bơyai lơh Pơrjum sền swì ală broă lơh nàng gĭt nền broă lơh pơnrơ, mùl gŏ is ai cau lơh broă sa càr Bạc Liêu.

Đơs pơndŭt tàm dơ̆ lơh broă, Phó Kwang ătbồ Mpồl Cau lơh broă sa dà lơgar Việt Nam mò Cao Xuân Thu Vân jờng rơ ngan broă rơcăng kung bè bơyai lơh Pơrjum dờng Mpồl Cau lơh broă sa ală kâp bơh càr Bạc Liêu dê, mơkung sồr càr pal sền gròi broă lơh kwang bàng, ngan là Mpồl duh broă sùm Mpồl Cau lơh broă sa càr Bạc Liêu tàm tơngai lơh kơnòl broă pa ờ mìng geh jơnau đơs, bồ tơngoh nùs nhơm kơ̆ dơn bè cíñ trị mờ kờñ pal geh bơta gĭt wă mờ bơta chài bơtàu tơnguh lơh sa.