Pơrjum nàng kờñ dong kwang bàng, cau tàm mpồl cau lơh broă sa ală kâp in git loh nùs nhơm tơngume bơh ală Nghị quyết dê; tơnguh jơnau git wă, kơnòl broă, ai Nghị quyết tus mờ tơl nă cau tàm mpồl, bơh hơ̆, lơh gơlik bơta gơn kơnờm sơlơ tơnguh tai ală srơh tàm pơrlòng kờñ gơboh dà lơgar, pơgồp bơnah lam lơh gơtùi ală jơnau kờñ, kơnòl broă neh ai tơlik. Broă lam lơh kơlôi sơnơng, bơsram, lơh jat, mblàng yal Nghị quyết pal lơh jơh nùs, tơrgùm lơh loh, git loh ală gùng dà, tơngume tờm, jơnau kờñ bal, ală gùng dà ai tơlik lài dờng, kơnòl broă tờm, broă jàu kuơmàng, bơh hơ̆ lơh gơs ngan ngồn nàng lam lơh jat, di tŭ, bơceh lơh, geh cồng nha mờ kơnòl bơh tơl kâp mpồl, tơl tiah, tơl mpồl kâp hơ đơm dê, lơh gơlik nùs nhơm srơh tàm pơrlòng duh hồl tàm ală kâp mpồl.