VOV4.K’ho- Mho ngai 09/02, Củ tịc lơgar ồng Nguyễn Xuân Phúc pa kĭ Kơrnuat pà khà jờng Huân cương lơh broă ai Mpồl coh plai cau ùr dà lơgar, cau atbồ mpồl pơlam coh plai mpồl cau ùr mờ ală cau tàm mpồl coh plai neh geh cồng nha jak ngan lam mpồl coh plai cau ùr dơ̆ sơn rờp tàm rài kah yau mut tàm dar dut ndơl dơ̆ pơrlòng coh plai cau ùr dunia (World Cup) nam 2023 bơh Liên đoàn coh plai dunia dê. Lài hơ̆, tơnơ̆ tŭ mpồl coh plai cau ùr coh jai mpồl Thái Lan tàm ngai 2 sa tềp Ñâm Zần mờ coh jai mpồl Đài Bắc lơgar Lo tàm ngai 6 sa tềp pa do, Củ tịc lơgar ồng Nguyễn Xuân Phúc ndrờm pơyua jơnau jờng rơ ală cau coh plai mờ cau pơlam tàp, ồng Mai Đức Chung. Kung tàm dùl ngai bal, Củ tịc lơgar neh sồr Kwang đơng lam bồ Ƀộ Văn hóa, Thể thao mờ Zu lịc bal mờ Mpồl tàm pơrlòng- pà khà jờng dà lơgar lơh mhar ală sră nggal, di jơnau sồr nàng di tŭ jờng rơ 2 nă cau pơlam tàp, bal mờ ală cau coh plai cau klau mờ cau ùr mpồl coh plai dà lơgar neh geh uă cồng nha jak ngan.

Cau mblàng K’Duẩn