Phó Thủ tướng ồng Trần Hồng Hà tus bal pơrjum. 15 nam do, broă dong kờl bơsram sră ngai sơlơ geh pràn tài bơh ală cồng nha bơh broă dong kờl bơsram sră, pơlam jăk geh bơtàu tơnguh sùm, nam tơnơ̆ uă rơlao mờ nam lài. Mpồl dong kờl bơsram sră neh geh lơh tus tàm ală xã, sơnah ƀòn, thị trấn mờ mpồl ƀòn, thôn, ƀòn mờ rơlao 26 tơlăk nă cau tàm mpồl.

Đơs tàm dơ̆ pơrjum tơnkah, Phó Thủ tướng ồng Trần Hồng Hà đơs tờm: Nàng dà lơgar pràn kơl dang den kòn bơnus là kwơ màng ngan. Mờ bơta ai tơngŏ bơh broă tam gơl sồ, tam gơl tơlir, kờñ ngan lơh pràn broă bơsram sră is, bơsram tàm tơl nă làng bol, tàm hơ̆ uă ngan là broă bơsram bơtơl jơnau git wă khoa họk, kông nghệ thông tin. Mờ hòi jà Ƀộ Giáo zụk mờ Đào tạo pơgồp bal mờ Mpồl dong kờl bơsram sră gờñ lơh mùl màl jơh jơnau git wă tus mờ tơl anih lơh broă, mpồl lơh broă bal mờ hìu nhă.