Đơs pơn dut pơrjum, ồng Trịnh Mạnh Cường, Phó Kwang atbồ Cơldŭ lơh broă duh broă sùm Mpồl đơng lam 389 dà lơgar pà git, ală nhai lồi nam 2023, jơnau kờñ lơh gơlik, ngui sa tàm ngai chờ, ngai sa tềp gơguh uă, bal mờ bơta gơ lin giă phan bơna đah ală lơgar tàm tiah do, ală tiah tàm lơgar gam uă, den tàng ƀuơn ngan gơlik geh bơta ờ geh 2, 3 bơta phan, lơh gơbàn bơta gơguh kas giă phan, ƀuơn ngan lơh broă kă bro phan tìs mờ adat boh lam, blac pơrlồm kă bro mờ phan ờ ngan gơlik geh kal ke.

Ồng Trịnh Mạnh Cường sồr, Mpồl đơng lam 389 ală càr Tây Nguyên tơrgùm tàm broă lơh kă bro phan tìs mờ adat boh lam, blac pơrlồm kă bro mờ phan ờ ngan tàm ală gùng nhàr lơgar mờ gùng ù gờl tàm lơgar; tơrgùm tàm ală bơta phan bè phơng sih, sơnơm sền gàr phan tam, phan kuơ tàm ù, phău bơrtoh, xăng zờu, sơlơ tơnguh rlau tai broă rơcang sơndră kă bro phan tìs mờ adat boh lam, blac pơrlồm kă bro mờ phan ờ ngan tàm broă lơh kă bro điện tử.