VOV4.K’ho- Drim ngai 30/5, Mpồl sền sơwì sồ 4 bơh Mpồl đơng lam dà lơgar bè rơcang sơndră sa kuề sa kuà, broă ờ niam geh dơ̆ lơh broă mờ Ƀan Thường vụ Tỉñ ủy Gia Lai. Yal mờ Mpồl sền sơ wì, ồng Rah Lan Chung, Phó Ƀí thư Tỉñ ủy, Kwang atbồ Ƀan Nội cíñ Tỉñ ủy Gia Lai pà git, bơh ngai 16/5/2013, tŭ Ƀan Nội cíñ Tỉñ ủy Gia Lai geh crơng gơs, broă lơh rơcang sơndră sa kuề sa kuà, broă ờ niam tàm càr hời rơhời geh tơnguh, lơh geh cồng nha kuơmàng ngan.

Bơh hơ̆, lơh glài 2 nă đảng viên, ai wơl 1 tơmàn 300 tơlak đông priă lơh tìs, tơmut tàm kes priă dà lơgar; lam lơh jat sền tơngume rlau 570 dơ̆ gơ wèt tus mờ ală mpồl duh broă Đảng mờ rlau 1 rbô 500 nă đảng viên; sền sơ wì tŭ geh tềl tơnggŏ lơh tìs gơ wèt tus mờ 3 nă đảng viên. Tàm dơ̆ lơh broă, Mpồl sền sơ wì sồ 4 Mpồl đơng lam dà lơgar bè rơcang sơndră sa kuề sa kuà, broă ờ niam neh yal kơrnuat sền sơ wì gơ wèt tus mờ ală broă càr neh yal. Kờp dŭ tơngai sền sơ wì geh lơh bơh ngai 06/6 tus ngai 09/6/2022.

Cau mblàng K’Duẩn