VOV4.K’ho- Mho ngai 25/5, tàm Hà Nội, Mpồl kwang bàng sồ 5 bơh Mpồl đơng lam dà lơgar bè rơcang sơndră sa kuề sa kuà, broă ờ niam bơh ồng Nguyễn Hoà Bình, Ủy viên Ƀộ Cíñ trị, Ƀí thư Đảng dà lơgar, Kwang atbồ Anih cah rơña làng bol jơnhua ngan rlau jơh dà lơgar, Ủy viên Mpồl đơng lam lơh kwang atbồ mpồl neh geh dơ̆ lơh broă mờ Mpồl kwang bàng duh broă Đảng Ƀộ Nông nghiệp mờ Phát triển Nông thôn jat broă rơndap lơh sồ 18 bơh Mpồl đơng lam dê.

Đơs tàm dơ̆ lơh broă, ồng Nguyễn Hòa Bình sồr Mpồl kwang bàng duh broă Đảng Ƀộ Nông nghiệp mờ Phát triển Nông thôn rơcang lài sră nggal, tơngume jơnau yal, mblàng lơh loh jat jơnau sồr bơh Mpồl kwang bàng dê. Bơh dơ̆ lòt sền gơtùi đơs ală bơta gơtùi lơh geh, ală bơta ờ hềt gơtùi lơh geh nàng bơsong jơnau yal, yal yă cau tìs gơ wèt kơnòl bơh Ƀộ Nông nghiệp mờ Phát triển Nông thôn dê nàng bơh hơ̆ ai tơlik jơnau đơs, jơnau dan mờ Ƀộ Cíñ trị, Mpồl đơng lam ală broă lơh nàng bơsong bal tàm gùt lơgar tàm tơngai tus.

Cau mblàng K’Duẩn