VOV4.K’ho- Pơn jăt tai broă pơrjum bal dơ̆ 4, ngai 26/08, tàm ƀòn dờng Buôn Ma Thuột, càr Dăk Lăk, Mpồl duh broă Jơi bơtiàn kòn cau Quôk hội dê neh bơyai lơh lùp jơnau đơs tă pơgồp bơh kwang bàng Quôk hội dê bè jơnau rơcăng cih Adat Ù tiah (tam gơl) geh ai sền swì tàm pơrjum dơ̆ 4, Quôk hội khoă XV.

Ai jơnau đơs tàm jơnau rơcăng cih Adat Ù tiah (tam gơl), ală kwang bàng tơrgùm ală tơngume gơrềng tus tiah làng bol jơi bơtiàn kòn cau dùl êt nă cau mờ tiah kơh bơnơm. Tàm dơ̆ tàm lùp, ală kwang bàng kung geh uă jơnau đơs, jơnau sồr bè cih sră ngui ù brê lơh sa, brê rơcăng gàr bồ tô dà, brê ngui kwơmàng jàu ai làng bol ƀòn lơgar in; gơnoar mờ kơnòl bơh làng bol dê gơwèt mờ ù tiah; bơta pal jăt tơm wơl hoàc hươr bè jơtài, ơm lơh sa kă bro tŭ dà lơgar ai wơl ù.

Cau mblàng Lơ Mu K’Yến