Mờ bơta tus bal bơh kwang bàng đơng lam bồ bơh ală càr tàm tiah Tây Nguyên dê bal mờ uă cau jak chài, ală kwang bàng Quôk hội.

Bal mờ jơnau đơs bơh càr Gia Lai dê, cribơyai dơ̆ do dờp geh tai 11 jơnau đơs ndai bơh ală kwang bàng bơh ală càr; Kon Tum, Dăk Lăk, Dăk Nông, Lâm Đồng mờ bàr pe nă cau jak chài, kwang bàng Quôk hội dê bè uă broă gam gơkòl gơrềng tus gùng dà broă lơh ù ơm, ù lơh sa; ù brê ƀòn lơgar; broă ngui ù 5% bơh làng bol ƀòn lơgar dê; lơh geh broă lơh broă sa tềng hơđơm mƀur chi brê...kờñ pal geh sền swì, tam gơl. Đơs pơndŭt cribơyai, ồng Quàng Văn Hương, Phó Kwang ătbồ Mpồl duh broă Jơi bơtiàn kòn cau bơh Quôk hội dê pà gĭt: Mpồl duh broă Jơi bơtiàn kòn cau bơh Quôk hội dê săc rwah tơngume tờm gơrềng tus ală jơnau cih bơh Jơnau rơcăng cih Adat dê gơcèng bơta ala măt kơnhoàl ù tiah ƀòn lơgar in nàng kơlôi sơnơng mờ sồr geh ală gùng dà broă lơh ai tiah làng bol kòn cau in; dơ̆ bàr là pơyua tus mpồl cau cih in nàng lơh geh bơta ring bal.