VOV4.K’ho- Tàm 2 ngai bơh ngai 25 tus ngai 26 nhai 8, tàm ƀòn dờng Buôn Ma Thuột, càr Dăk Lăk, Mpồl duh broă jơi bơtiàn kòn cau Quôk hội khoá 15 bơyai lơh pơrjum bal dơ̆ 4 nàng lam lơh ală tơngume drơng broă ai pơrjum dơ̆ 4, Quôk hội khoá 15 in nàng sền sơ wì ai jơnau đơs bàr pe tơngume geh gơrềng tus Broă lơh jơnau kờñ dà lơgar bơtàu tơnguh lơh sa- mpồl bơtiàn tiah làng bol kòn cau dùl ết nă cau, tiah kơh bơnơm tơngai bơh nam 2021-2030, rơndap broă lơh tam gơl pa, tơnguh uă bơta niam, cồng nha bơh Mpồl duh broă jơi bơtiàn kòn cau dê, cribơyai tă pơgồp jơnau đơs nàng sền sơ wì Rơndap broă lơh Adat ù tiah (tam gơl).

Mpồl duh broă jơi bơtiàn kòn cau Quôk hội khoá 15 pơrjum bal dơ̆ 4

Đơs tàm dơ̆ pơrjum, ồng Y Thanh Hà Niê Kđăm, Củ tịc Mpồl duh broă jơi bơtiàn kòn cau Quôk hội sồr ală kwang bàng tơrgùm cribơyai, sền sơwì ală cồng nha neh lơh geh, mblàng lơh loh jơnau gam gơkòl mờ ờ hềt pràn. Bơh hơ̆ ai tơlik gùng dà broă lơh nàng lơh jat niam rlau tai ală kơnòl broă geh ai. Tàm hơ̆, ngan là sền gròi tus ală broă lơh jơnau kờñ dà lơgar bơtàu tơnguh lơh sa- mpồl bơtiàn tiah làng bol kòn cau dùl ết nă cau mờ tiah kơh bơnơm.

Cau mblàng K’Hạnh