Mpồl neh tus còp mờ gờm chờ sa tềp Mpồl Tam klăc cau kơđơng Yàng Phờk  kờñ gơboh dà lơgar càr Trà Vinh, Kwang bàng neh rlô lơh broă, cau lơh broă kăc màng jŏ sơ nam tàm ù tiah càr dê.

Ồng Y Thanh Hà Niê Kđăm yal broă lơh dong kờl bơtàu tơnguh tiah làng bol kòn cau dùl ết nă cau đơs bal mờ tiah làng bol kòn cau Khmer tiah ring đah Jum dà lơgar đơs is. Ngan là, tàm tơngai lơh broă khoá 14 pa do, Quôk hội neh ring bal Rơndap broă lơh tơrgùm bal mờ broă lơh jơnau kờñ dà lơgar bơtàu tơnguh lơh sa- mpồl bơtiàn tiah làng bol kòn cau dùl ết nă cau mờ tiah kơh bơnơm tơngai bơh nam 2021- 2030 mờ priă jền bơcri rlau 50 rơbô tơmàn đong. Ồng Y Thanh Hà Niê Kđăm kơ̆p kờñ ală Hòa thượng, Thượng tọa, Đại đức pơn jat tai ngui niam gơnoar broă bơh he dê tàm broă lơh ngan bơt bơtàu mpồl tam klăc dờng jơi bơtiàn kòn cau, hòi jà làng bol pơn jat tai ngui niam nùs nhơm tam klăc bal, hòi jà cau jat yàng Phờk sền gròi lơh sa, tơnguh priă lơh geh, bơtàu tơnguh niam rài kis.