Tàm dơ̆ lơh broă, 2 gah neh bal mờ gơ̆p sền sơ wì, cribơyai bè bơta gĭt gơ̆p lơh broă bal đah 2 lơgar, 2 Quôk hội tàm tơngai pa do. Tơn jơh dơ̆ lơh broă, 2 gah bal mờ gơ̆p kĭ hơ Jơnau ring bal lơh broă bal đah Mpồl duh broă Jơi bơtiàn kòn cau Quôk hội Việt Nam mờ Ủy ƀan Jơi bơtiàn kòn cau Quôk hội Lào.

Tàm hơ̆, ring bal pơn jat tai pơgồp bal niam, sơlơ tơnguh tàm yal tơngĭt bal ală jơnau, bơta mờng chài lơh broă geh gơrềng tus kơnòl broă, gơnoar bơh tơl gah dê; tam pà bal, cribơyai ală jơnau yal bè cồng nha jat sền, lòt sền, lơh jat broă lơh, broă rơndap lơh ală rơndap broă lơh bơtàu tơnguh lơh sa- mpồl bơtiàn tàm tiah làng bol kòn cau dùl ết nă cau, tiah kơh bơnơm; pơgồp bal bơyai lơh ală dơ̆ pơrjum, dơ̆ cribơyai mìng dùl tơngume lơm.