Tàm 6 nhai bồ nam 2024, càr Gia Lai neh geh khà gơguh kờp jơh phan geh lơh tàm càr là rơlao 3%; tă tàm kes priă geh rơlao 3 rơbô 300 tơmàn đong; tăc phan mờ lơgar bơdìh geh niam, mờ priă geh 525 tơlăk dolar Mỹ, geh 70% broă rơndăp lơh gùt nam; geh 03 mpồl kấp kơnhoàl mờ 96 xã geh ală jơnau kờñ ƀòn lơgar pa.

Tŭ do, tàm càr Gia Lai geh rơlao 255 rơbô lồ ù tam ală bơta phan geh lơh jăt ală bơta khà VietGAP, GlobalGAP, 4C, Organic, Rainforest Alliance, FLO mờ 227 màh sồ tiah tam ai rơlao 9 rơbô 600 lồ ù tam phan in. Mờ geh 92 rơndăp broă ròng phan geh ring bal mờ gùng dà bơcri priă. Mơya, càr gam tìp ală bơta kal ke bè: broă bơcri priă dà lơgar lơyài, khà geh 23% tàm khà priă rơlao 4 rơbô 300 tơmàn đong; broă tam brê ờ hềt geh jăt mờ broă rơndăp lơh geh ai. Pơrjum dơ̆ 19 Mpồl duh broă làng bol càr Gia Lai geh bơyai lơh tàm 03 ngai, geh sền wơl, ai geh gùng dà broă lơh gơwèt mờ 32 rơndăp broă cih jơnau lơh nền geh Duh broă sùm Mpồl duh broă làng bol càr mờ Anih duh broă làng bol càr yal.